Stina Skjerdal
Landskapsarkitekt og partnar i Skaralys Landskap
Kven er me?
Magnus Øydvin
Landskapsarkitekt og partnar i Skaralys Landskap
Skaralys Landskap er eit ungt landskapsarkitektkontor med røter i Aurland i Sogn. Firmaet består av Stina Skjerdal og Magnus Øydvin.
Men kvifor vere landskapsarkitekt på bygda?
Som nyutdanna landskapsarkitektar frå NMBU på Ås valgte me å flytte heimover til Indre Sogn heller enn å søke på trygge jobbar i byen. I dette låg eit ønske om å leve i det landskapet som først gjorde at me fekk interesse for å studere landskap. Her er nærleik til fjella, fjorden, levande kulturlandskap og det vi litt banalt kan kalle dei nære ting veldig tilstades i kvardagen. Me kombinerar bedrifta vår med andre jobbar som både gir stabilitet og tilknytting til eit større fagleg nettverk. Dette gjer at me kan velge prosjekt som me brenn for, der me slepp å gå på akkord med våre eigne verdiar.
Å tenke globalt med utgangspunkt i det lokale
I prosjekta våre og i livet ellers prøvar me så godt me kan å arbeide i tråd med bærekraftsmåla og dei faglege måla me har forplikta oss til å jobbe mot. Å bruke det stadeigne i valg av planter og material er noko vi alltid har med oss. Kulturhistorie kan spele ei viktig rolle i landskapsdesign. Kva for planter vart dyrka her for 1000 år sidan? Kan dei gi oss noko i dag? Mange av artane vi nyttar i dag har i første omgang blitt innført som medisinplanter i klostervesenet, eller er tett knytta til kulturlandskap eller eldre skikk og bruk. Vi prøver alltid å formidle dette i våre prosjekt. Av og til krever oppdrag inngrep, men ofte kan vi også komme langt med å la ting vere i fred.
